Kjenner du Årets gründer?
Tidenes første gründerpris skal delast ut under
NæringsGIV 2015 på Olalia. Nå leitar juryen etter prisverdige gründerar, og
ønskjer ditt forslag til gode kandidatar.
- Me
ønskjer å stimulera til og fremja etableringsvilje og nyskaping i Vindafjord.
Med denne prisen vil me setja søkelys på entreprenørskap og innovasjon blant
innbyggjarane i kommunen, seier dagleg leiar i Medvind Næringshage, Rita
Fridfeldt.
Under
Næringslivskonferansen på Olalia, NæringsGIV 2015, vil arrangørane setja ekstra
søkelys på gründerånd, og heidra nyetablerte verksemder.
30 000 kroner
Juryen
ønskjer forslag frå ålmenta om gode namn som fortener æra for nyskaping og
gründerverksemd.
Leiar i Medvind Nærinsghage Rita Fridfeldt og banksjef for Sparebank 1 SR-bank, Magne Christiansen vil ha dine forslag til kandidatar for Gründerprisen 2015.
- Me
ønskjer forslag til personar, organisasjonar eller bedrifter som har etablert
nyskapande bedrifter med verdiskapingspotensial og som har eller kan bidra til
sysselsetjing. Prisen er på 30 000 kroner som skal brukast til
vidareutvikling av verksemda, seier Fridfeldt.
Som leiar
av næringshagen sit ho i juryen saman med representantar frå Grannar,
Vindafjord kommune og Sparebank 1 SR-bank.
- SR-Bank
har alltid vore opptekne av å støtta opp om og fremja utvikling.Difor ønska me også å støtta opp om vinnaren ved å bidra med ein pengepris på 30 000 kroner. Me ønskjer å
gi denne prisen til gründerar som er i startfasen, som har ein god plan
for vidare selskapsutvikling der det er potensiale for vekst og arbeidsplassar,
seier banksjef for Sparebank 1 SR-Bank Indre Haugalandet, Magne
Christiansen.
Kriterier for prisen
I
utveljinga vil juryen vektleggja følgjande punkt:
- Om bedrifta har ambisjonar om vekst og/eller innovasjon
- Verdiskapingspotensial i bedrifta
- Bedrifta si vekst dei siste åra
- Om bedrifta har bidrege til sysselsetjing
Kandidatane
må tilfredstilla følgjande kriterier:
- Gründeren/gründerane skal vera etablert eller ha avdeling i Vindafjord kommune
- Gründeren/gründerane bør leia/eiga ei nyskapande og innovativ bedrift
- Gründeren/gründerane kan sannsynleggjera eit vekstpotensial.
- Bedrifta må væra registrert dei seinare år
Dersom du
kjenner ein god kandidat kan du senda forslaget ditt til Medvind Næringshage:
Epost:
rita@medvind-neringshage.no, innan 07.04. 2015. husk å merka eposten med «Årets gründer».
