Næringsgiv 2024
Vel møtt til årets høgdepunkt! Fikse Næringsforening med samarbeidspartnarar inviterer næringslivet til fjells, fag og feiring på Næringsgiv 23.mai!
Frå fjorårets næringsfest på Olalia. Foto: Svein Egil Økland/Westcon
23. mai er det næringsfest på Olalia, næring Næringsgiv går av stabelen. Arrangør er Fikse Næringsforening, med samarbeidspartnarar Medvind Næringshage, Grannar, Sparebank 1 SR-Bank, Haugesund Sparebank og Sparebanken Vest.
I år set me søkelyset på det som har våga å satsa på eigne vegar, og som har hatt viljen til lukkast på eiga hand og med utradisjonelle val.
Som i fjor losar Arne Hjeltnes oss gjennom ein dag med freske folk på scenen, mat frå Skakkekokk Roy Martin Øyjord, revolverintervju med lokale gründarar og prisdryss til Årets Bedrift og Årets Gründer.
På programmet:
Svein Arne Åsheim - Med livet som innsats
Etter 10 år som politi, tok Etnebuen vegen vidare via livvaktskulen, og har dei siste åra arbeidd som livvakt i teneste for toppolitikarar og andre "VIP'ar". 
Foto: Grannar
Grannar skreiv i portrettintervjuet om Åsheim, 2.desember 2023: Svein Arne har vore tilsett i PST sidan 2012, og har brukt tusenvis av timar til å passa på dei folkevalde som sit øvst i makteliten. Statsministrar, statsrådar og prominente gjester frå utlandet som har vore på statsbesøk i Noreg. Gjennom livvakttenesta har han kome tett innpå livet til både Erna Solberg og Jonas Gahr Støre, han har fått servert fiskesuppe på termos frå Siv Jensen, og deltatt i programmet Lindmo saman med Hadia Tajik. Han er mannen som sørgjer for at regjeringsmedlemmene er trygge når dei skal frå A til B i samfunnet, og det viktigaste av alt: Han er til å stola på. Som livvakt jobbar han tett på dei profilerte politikarane, og det er ikkje få personlege samtalar han har overhøyrt frå baksetet i dei svarte bilane. Kva desse samtalane handlar om, er det ingen andre enn dei som var i bilen som veit. Politikarane skal aldri vera i tvil: Svein Arne er tett som ei potte.
23.mai fortel han om vegen frå vanleg Etne-gut til å vera "på" 24/7 i livvakttenesta.
Ingeborg Johansen - Å fyra opp kråkene
Ingeborg fyrer ikkje for kråkene, men fyrer dei opp til å bli gode bossplukkarar. 34-åringen frå Etne kom opp med den ville ideen om å trene opp kråker og skjærer til å hente søppel. Målet er å redusera tida som brukast på å rydda boss utandørs, redusera kostanadane for ryddinga og redusera boss på avvege. Ideen har vunne fleire prisar, og nå jobbar ho med testversjonen. "DeBoss" har fått mykje merksemd, både for den innovative forretningsidêen, men også grunna Johansen sitt brennande engasjement for gründerskap.
– Eg blei overraska då eg starta opp med dette og fann ut at det jo finst eit heilt apparat rundt dei som vil skape noko sjølv. Dette veit me for lite om, og me veit for lite om kva som krevst for å stable ei eiga bedrift på beina.
På Olalia vil Ingeborg fortelja om si reis, frå skule-lei til bossgründer.
Rune Bjerga - Å le seg til suksess
Frå å vera klassens klovn via ein omveg i eigedomsbransjen, har Bjerga etablert seg som ein av Vestlandet sine mest ettertrakta komikarar.
Mens boligprisene faller og mange sliter med å solgt husene, valgte eiendomsmegleren i DnB NOR Eiendom i Stavanger en original utvei. Et firesiders langt dikt avsluttet arbeidsforholdet: - Jeg tenkte at det er umulig å bli sint på en arbeidstaker som sier opp på en slik måte, sier Rune Bjerga til Nettavisen.
Bjerga jobbar i dag 100 % i humorens teneste, både gjennom eigne show og oppdrag for næringslivet. 23.mai gir han oss eit skråblikk på gründerskap og utradisjonelle val - som til dømes å velja humoren som yrkesveg. Stavanger-mannen kjenner godt til distriktet vårt, og har vore på show-besøk fleire gonger. Me blir ikkje overraska om han trør til med visse anekdoter om lokale kjenningar.
Arne Hjeltnes - konferansier
Me gjentar fjorårssuksessen med Arne Hjeltnes som los gjennom heile dagen. Vossingen er eit kjent fjes frå mange tv-suksessar, og er også forfattar, humorist og næringslivsmann. Eit av hans ferskaste prosjekt er TV-serien "People of the North" som mellom anna vil via episodar til natur og næringsliv i Etne og Vindafjord.
Me får snuttar frå Hjeltnes eigne diktbøker undervegs, før han avsluttar med revolverintervju av lokale gründarar som har våga å satsa for seg sjølv - og viljen til å lukkast med det.
Prisdryss
Som alltid skal me også feira lokalt næringsliv med prisdryss til bedrifter som har utmerka seg. Årets Bedrift og Årets Gründer blir delt ut av Næringsgiv sine samarebidspartnarar; Sparebank 1 SR-Bank, Haugesund Sparebank og Sparebanken Vest.
I fjor gjekk prisane til Knudsen Dørfabrikk og John Karsten Hustveit. Har du nokre gode kandidatar juryen bør vita opp? Send oss dine forslag her!