- Målet med tilskotet er å setja kommunane raskt i stand til å avhjelpa situasjonen for lokale verksemder Ordninga skal og hjelpa dei verksemdene som heilt eller delvis har falle utanfor dei generelle kompensasjonsordningane og som er råka av strenge smitteverntiltak. Denne gongen gjeld det særleg verksemder innan overnatting og servering, seier kommunalsjef for Utvikling og drift i Etne kommune, Hans Erik Lundberg. 

Dette er tredje runden kommunane lyser ut kompensasjonsmidlar til næringslivet sidan pandemien råka landet, og det har vore stor søknadsmengde i begge omgangar. 

- Det viktigaste for oss er at midlane kjem raskt i verk, og bidrar til å hjelpa dei som har slite som følgje av nedstenging og tiltak. Det er tydeleg at det er eit stort behov for midlar her lokalt, og det er veldig viktig for oss å få desse midlane ut til dei som treng det snarast råd. Både Vindafjord og Etne har vore raskt ute med utlysingane og tildelingane tidlegare, og me vil også sørga for at denne potten kjem næringslivet til gode fortast mogleg, seier Lundberg. Frist for å søka er 21.mai 2021. 

Målgruppa er lokale  små- og mellomstore verksemder med forretningsadresse i Etne og Vindafjord kommunar. 

Kommunane har stor fridom til å tilpasse kva slags verksemd dei kan støtte avhengig av den lokale situasjonen., men vil prioritera følgjande kriterium:  

• Støtte som kompenserer lokale verksemder sine kostnadar eller tap som følge av smitteverntiltak og nedstenging
• Støtte til verksemder innanfor overnatting, reiselivs-, arrangements- og serveringsnæringar, og andre verksemder som av ulike grunnar fell utanfor generelle kompensasjonsordningar.

Søknaden skal sendast elektronisk gjennom regionalforvaltning.no