Bli med næringslivet til fjells
Du er med dette inviterte til landets truleg einaste næringslivskonferanse arrangert 467 meter over havet. 26. april 2018 går NæringsGIV av stabelen for fjerde gang.
I fjor var Aslak Sira Myhre ein av dei som gjekk i bresjen til næringslivssamlinga på Olalia. Årets headlinarar blir lanserte om kort tid.
Kleskode: Laus snipp, turklede og varme strikkalubbar.
Program: Dei gode næringslivshistoriane, om alt frå internasjonale storkonsern til lokale einmannsføretak.
Påmeldinga garanterer: Fjellmat, lettbeint underhaldning, prisdryss, stor takhøgde og minst like høg stemning.
Sidan 2015 har meir enn 100 deltakarar frå Etne og Vindafjord årleg gått fjellvegen til Olalia for næringslivskonferansen NæringsGIV.
Blant dei fjellfarande som også har krydra programmet dei siste åra er Aslak Sira Myhre, Elin Ørjasæter, Ingebrigt Steen Jensen, konsernsjef i Fatland Gruppen Terje Wester, konsernsjef i Autostore Karl Johan Lier, Ølen Betong-gründer Atle Berge, privat barnehageutbyggjar Anette Lauareid Hovda og global distriktskunstnar Jan Terje Rafdal.
