Hopp til innhald

Larsen Bakeri kan bli Årets Bakeri

Larsen Bakeri er nominert som eit av dei tre beste bakeria i landet til den gjeve prisen Årets Bakeri. 

Janne Larsen Sævareid. Foto: Astrid Eidhammar Hjelmeland


Det er bransjeforeningen Baker-og Konditorbransjens Landsforening (BKLF) som står bak konkurransen som i år blir arrangert for femte gong. No er altså Larsen Bakeri i Skånevik i sjølvaste finalen. 

– Dette er heilt fantastisk og ei stor ære. Eg trudde det nesten ikkje heilt at me er blant topp tre i konkurransen, seier Janne Larsen Sævareid som driv det historiske bakeriet.
Ho trur fleire element har vore avgjerande for at dei er komne så langt i konkurransen.

Les portrett på Janne Larsen Sævareid i Fikse Næringsforening sitt næringsmagsin Tempo.

– Eg trur nok det handlar mykje om at me er eit lite handverksbakeri, det er langt mellom desse små unike bakeria no. I tillegg så har me jobba godt med å hindre matsvinn dei siste åra, det trur eg og betyr mykje. 

Larsen Bakeri har sett opp eit kjøleskåp ute der folk kan handle seg mat etter stengetid, i tillegg har dei fast avtale med å levere frosne bakevarer til to barnehagar, omsorgssenteret og hotellet i bygda. 

– Det er ein avtale som betyr mykje både for oss og dei. Og ikkje minst så fører det til at me ikkje kastar mat i det heile. 

Bakeria som Larsen Bakeri konkurrerer mot er Ødegaarden Bakeri & Konditori i Nord-Fron og Stokkøy Bakeri i Åfjord.  Vinnaren blir kåra i oktober, og først blir det bransjekåring der du kan stemme på din favoritt. Vinnaren får diplom og ei pengegåve på 10.000 kroner. 

 


Ledige stillingar

Christiansen Bakeri er på jakt etter daglig leder
Frist: 04. des

Folk i vinden

Tips oss

Folk i vinden

Har de ein ny kollega på laget? Send oss ein e-post så legg me det ut på Folk i vinden!

Send tips

Har du ei god Medvind-sak?

Har du gode tips fra næringslivet i Vindafjord? Stikk innom, eller kontakt oss.

Send tips