23.mai går Næringsgiv av stabelen på Olalia, og som vanleg byr konferansen på feiring av lokalt næringsliv med kåring av Årets bedrift.
Tidlegare vinnarar av prisen er MCE, Hatteland, Fatland, og Knapphus Gruppen. Også dette året er juryen på jakt etter gode kandidatar til prisen og ønskjer forslag frå publikum.
Kjenner du ei bedrift du meiner fortener prisen? Send inn ditt forlag til post@etnevindafjord.no innan 14. mai!
Den som vert tildelt prisen skal ha utmerka seg positivt innan eitt eller fleire av følgjande område:
- lokal verdiskaping gjennom arbeidsplassar
- omdøme for eiga verksemd og Vindafjord og/eller Etne kommune
- kompetanseutvikling og servicenivå
- resultatutvikling
- evne til innovasjon og nytenking
- arbeidsmiljø og HMS
- samarbeid mellom bedrifter og bransjar
