Organisasjonsnettverket inviterer alle frivillige lag og organisasjonar i Etne og Vindafjord til samling med fokus på tilskotsordningar og søknadsskriving 19.november i Medvind Nærinshage, Ølensvåg. I tillegg får me høyra frå Etne Røde Kors og deira Camp Hjørnås, som årleg samlar born, ungdom og frivillige til barnecamp og friluftsliv på Hjørnås.
Program:
- Tilskotsordningar og søknadsskriving, ved Frode Iversen, Tilskuddsportalen.
- Alle lag og organisasjonar i Etne og Vindafjord kommunar har tilgang til Tilskuddsportalen, ein nettportal med tilgang til meir enn 2700 tilskot for frivilligheita. Iversen vil mellom anna snakka om:
- korleis bruka Tilskotsportalen og finna aktuelle tilskotsordningar å søka på
- forslag til utforming av søknadar - tips og triks
- rapportering
- siste nytt om tilskot og fristar
- Mat og prat
- Suksessencamp på Hjørnås v/Bjørg Fredriksen, Etne Røde Kors
- Om Camp Hjørnås: korleis samla 150 born og 125 frivillige til gratis friluftscamp
Me tar atterhald om at det kan bli endringar i programmet :)
- Tid: Tysdag 19.november, kl. 18.00 – 21.00
- Stad: Medvind Næringshage, Ølensvåg
- Pris for denne samlinga:
- Kr. 250,- per deltakar fra lag i SØK-område (gamle Skånevik Ølen Kraftlag sitt konsesjonsområde)
- Kr. 500,- per deltakar frå andre lag og organisasjonar
- Påmeldingsfrist: 15.november
Om prosjektet
I samarbeid med SØK-stiftinga inviterer Medvind Næringshage til ei kursrekke for tilltsvalde i lokale lag og organisasjonar. Målsetninga med prosjektet er å styrka kompetansen innan lag- og organisasjonsarbeid, erfaringsutveksling og nettverksbygging for alle som er involverte i frivillig arbeid.
Tillitsverv i frivillige organisasjonar kan vera omfattande og krevjande. Samstundes er det givande verv som betyr mykje for mange i lokalsamfunna. Difor er det viktig at alle som er engasjerte i frivillige lag og organisasjonar har tilgang til den naudsynte kunnskapen og verktøya dei treng for å bli tryggare i rolla si, utføra jobben på best mogleg vis, og bidra til å vidareutvikla organisasjonen. Difor vil me leggja til rette for å styrka relevant kompetanse i styre og leiing hjå lokale frivillige lag og organisasjonar i distriktet. Dette gjennom samlingar med fagleg innhald, erfaringsutveksling og inspirasjonsføredrag.
Samlingane vil vera retta mot styre/leiing i frivillige lag og organisasjonar, men open for alle me eit hjarte for frivilligheita. Me vil nytta eksterne kurshaldarar, i tillegg til å nytta kompetanse og erfaringar frå andre lokale aktørar.
Medvind Næringshage koordinerer prosjektet med støtte frå SØK-stiftinga. Me ønskjer eit tett samarbeid med målgruppa, og vil gjerne ha innspel til ønska tema for samlingane for alle som deltar.