Lunsjtreff på Medvind 9. mai

Velkomen til eit inspirerande lunsjmøte 9. mai, med spanande innhald og gode samtalar!

Denne dagen får me besøk av Lise Marie Ness Klungland, stortingsrepresentant for Rogaland og Senterpartiet – og ikkje minst ei ekte Vindafjordsdame. Ho kjem med siste nytt frå Løvebakken og deler innsikt i aktuelle politiske saker, både lokalt og internasjonalt. Me får mellom anna høyre meir om korleis handelstoll og utviklinga i USA påverkar næringslivet her heime.

 Ivar Halvorsen, dagleg leiar i 5-Pluss, tek oss med på reisa bak veksten i selskapet – eit rekneskaps- og rådgjevingsfirma med særleg kompetanse innan distriktsnæring.

Siri Tungesvik Vestbø frå Haugesund Sparebank er òg med og gjev ei kort innføring i banken, og tek opp temaet "Sparing i turbulente tider".

Kva er dei største utfordringane for næringslivet i vårt distrikt framover? Korleis kan me møta dei – og korleis vert me påverka av internasjonale tilhøve?

 Dette er ei god moglegheit til å engasjera seg politisk, byggja nettverk og læra meir om lokale verksemder. Me serverer ein enkel lunsj, og det vert høve til spørsmål og diskusjon.

 Tid: 9. mai, kl. 11:30–13:00

 Stad: Medvind Ølensvåg (Parkering ved Vågen Bedehus)

Påmelding (i løpet av 7. mai)

 Velkomen!