Tøff tid for næringslivet

-Det blir ei tøff tid framover for lokalt næringsliv, meiner Asbjørn Moe i Fikse Næringsforening. Verksemder som tilbyr trening, frisør, hudpleie eller massasje blir stengt ned frå i kveld på grunn av den auka korona-risikoen.

-Norge blir nå sett på ein stor prøve. I perioden framover vil alle få ein annleis kvardag. Dei tiltaka me set i gang i dag håpar me vil stoppe viruset, me ser at viruset smittar når folk samlast og er tett på kvarandre. Alle landets innbyggarar må no bidra i ein dugnad for å hindre vidare spreiing, uttalte statsminister Erna Solberg på ein pressekonferanse tidlegare i dag.

I tillegg til nemnde næringar blir også alle barnehagar, skular, vidaregåande skular, høgskular og universitet stengt ned. Alle kulturarrangement og idrettsarrangement stoppar også opp. Serveringsstadar må legge til rette , blant anna slik at det blir ein meters avstand mellom gjestene.  

- Dette blir tøffe tider, men eg er sikker på at me vil kome oss gjennom det, uttalte Solberg.  

Asbjørn Moe er samd i at tida framover blir særs utfordrande for næringslivet. Han har i dag hatt kontakt med mange lokale bedrifter som er usikre på korleis vekene og månadane framover blir.  

- Dette er i utgangspunktet ein periode med stenging på to veker, men dette kan sjølvsagt bli utvida. Dette blir hardt og brutalt for mange bedrifter, og det blir spanande å sjå kva løysingar ein kjem på bordet med i morgon.

- Ein ting er jo dei som er pålagt å stenge ned, som frisørar, men uavhengig av det blir det tøft for mange. Det er ingen vits i å ha open kafe dersom ingen kjem for å handle.

Regjeringa kjem tilbake med krisepakke for næringslivet i morgon, fredag.

- Det som kjem i morgon kjem ikkje til å redde dagen for bedriftene, men det kan bli tiltak som gir ein form for kompensasjon til dei bedriftene som tar den største trøkken, meiner Moe.


Tips oss!

Folk i vinden

Har dere en ny kollega på laget? Send oss en epost og vi legger det ut på Folk i vinden!

Send tips
Har du en god Medvind-sak?

Har du gode tips fra næringslivet i Vindafjord? Stikk innom, eller kontakt oss!

Send tips
Kalender

Har du forslag til ny kalenderoppføring?

Send tips