Spenning i kvardagen

Steffen Langhelle (19) har vakse opp på gard og jobbar i dag som industrielektrikar hjå SMV. 

Image
- Her får eg gjere meir automasjon og mekanisk arbeid som passar meg betre. Eg hadde ikkje prøvd meg som industrielektrikar før eg fekk lærlingplassen, og eg angrar ikkje i dag, fortel Steffen Langhelle som er på andre året sitt som lærling hjå SMV.


Kvar kjem du frå?

Skånevik

Korleis fekk du denne lærlingplassen?

Etter å ha vore på utplassering hjå Helgevold Elektro og Funtek, fann eg ut at jobb som «vanleg» huselektrikar ikkje passa meg. Eg hadde lyst til å prøve noko nytt så eg søkte, var på intervju og fekk jobben enkelt og greitt. Det var opphavleg ein anna fyr som skulle få lærlingplassen, men han fekk seg jobb i Equinor i staden, flaks for meg. 

Kvifor valde du denne yrkesvegen?

Eg syns det var kjekkare å være industrielektrikar enn å vere huselektrikar. Her får eg gjere meir automasjon og mekanisk arbeid som passar meg betre. Eg hadde ikkje prøvd meg som industrielektrikar før eg fekk lærlingplassen, og eg angrar ikkje i dag. Eg trivst veldig godt. 

Kva arbeidserfaring hadde du frå før?

Eg hadde utplassering i Helgevold Elektro i Skånevik i tillegg til Funtek som elektrikar. Eg er også oppvaksen på gard og der har det blitt ein del arbeid opp gjennom åra. 

Image
Langhelle fann seg læreplass i heimbygda, Skånevik.
Kor i utdanningsløpet ditt er du nå?

Eg er nå i andre året som lærling.

Beskriv ein typisk arbeidsdag

Me gjer mykje forskjellig, men for tida startar eg med å kople knappar og styrespakar i kabinen på eit køyretøy som me lagar. Andre gonger fikser eg lys som er øydelagde eller så kan eg ta turen til MCE i Etne. Der trekk eg kablar til lastebilane deira. 

Kva har du lært om jobben som du ikkje visste frå før?

Vanskeleg å sei, sidan det er så veldig, veldig mykje. Det eg vil trekkje fram er at eg har lært meir om korleis eit system på eit køyretøy fungerer i samanheng med straum og batteri. 

Eg har også lært at det ikkje eg farleg å spørje. Det blir ein del spørsmål til arbeidsgivar på ting eg ikkje kan eller forstår, men eg har kjekke og flinke kollegaer som hjelp meg gjennom, det set eg pris på. 

Tips oss!

Folk i vinden

Har dere en ny kollega på laget? Send oss en epost og vi legger det ut på Folk i vinden!

Send tips
Har du en god Medvind-sak?

Har du gode tips fra næringslivet i Vindafjord? Stikk innom, eller kontakt oss!

Send tips
Kalender

Har du forslag til ny kalenderoppføring?

Send tips