Granberg blei Årets bedrift

Hanskeprodusenten frå Bjoa blei kåra til Årets Bedrift på NæringsGiv på Olalia 12.mai.

Ole Marthon Granberg tok i mot prisen som Årets Bedrift.  Foto: Økland Foto. 

Prisen blei delt ut av Fikse Næringsforening med samarbeidspartnarar Haugesund Sparebank, Sparebank 1 SR-Bank Ølen og Etne Sparebank. 

- Mykje har kome litt gratis, men det var og ein del vanskelege beslutningar å ta undervegs. Men det kunne gått endå betre faktisk, om me hadde vore litt meir modige. Men det gjekk bra likevel, sa Ole Marthon Granberg då han takka for prisen. 

I juryen si grunngjeving heiter det: 

Årets Bedrift har vore ein sentral aktør i både nasjonal og internasjonal marknad i mange år. Bedrifta har spesialisert seg på produkt som er avgjerande viktige for ei rekke bransjar. 

Bedrifta har behalde sitt hovudkontor i her i distriktet, medan selskapet har utvida verksemda si til stadig nye land og verdsdelar. 

Gjennom dei siste åra med korona-krise og pandemi, har bedrifta forankra sin posisjon som leiande i sin bransje, og har opplevd imponerande vekst. 

Nok ein gong er det hardt arbeid, unik fagkunnskap og vilje som har bidrege til å løfta bedrifta til nye høgder. 

Årets bedrift har gjort seg internasjonalt bemerka for høg kvalitet, innovativ teknologi og produktutvikling. Bedrifta har i fleire år henta heim bransjen sin eigen «Oscar-pris» for produkta sine. 

Dei er oppvaksne på landsbygda i Noreg, men har heile kloden som marknadsplass. Dei sørger for at flittige hender verda over kan gjera jobben sin, på tryggast og beste vis. 

Årets bedrift er Granberg As.

Tips oss!

Folk i vinden

Har dere en ny kollega på laget? Send oss en epost og vi legger det ut på Folk i vinden!

Send tips
Har du en god Medvind-sak?

Har du gode tips fra næringslivet i Vindafjord? Stikk innom, eller kontakt oss!

Send tips
Kalender

Har du forslag til ny kalenderoppføring?

Send tips