Inviterer til Dyrsku på Vindafjordtunet 

– Å få dyr inn på tunet her hjå oss, bringer fram mange gode minne hjå brukarane våre, seier einingsleiar Annelin Bauge ved Vindafjordtunet. 


25. mai blir det Dyrsku på omsorgssenteret i Vats. 

Det blir garantert god stemning med dyr på tunet!  Her frå fjorårets Dyrsku. 

- Det heile starta vel med at fleire snakka om at dei skulle dra på Dyrskun i Seljord, og nokon fekk ideen om å ta Dyrskun «heim» hit, til Vindafjordtunet. Det viste seg å bli stor suksess, og difor opnar me nok ein gong dørene for ein dag med yrande folke- og dyreliv hjå oss, seier Bauge. 

Laurdag 25. mai inviterer tilsette i samarbeid med fleire friviljuge organisasjonar til Dyrsku på Vindafjordtunet for tredje året på rad. Frå kl. 13.30 er både brukarar, pårørande og alle andre velkome til ope fesjå på omsorgssenteret. 

- Bondelaget stiller opp med dyr, og bygdekvinnelaget stieker lappar. Det blir trekkspelmusikk, køyring med hest og kjerre og andre aktivitetar, fortel Bauge. Arrangementet kjem som eit resultat av initiativ frå eldsjeler både blant dei tilsette og lokale frivillige. 

- Dette er eit veldig viktig arrangement for brukarane våre på Vindafjordtunet, og me er utruleg takknemlege for alle som har vore så positive til å vera med å bidra til dette. Fleire av dei som bur hjå oss er fødde og oppvaksne på gardar, eller der dyrehald er kjent for dei. Me opplev korleis minna og mange gode historier kjem tilbake når dei kjem i kontakt med dyra. Dette er eit veldig kjent og trygt miljø for mange av brukarane våre, og ein dag dei gler seg over, seier Bauge.

Tips oss!

Folk i vinden

Har dere en ny kollega på laget? Send oss en epost og vi legger det ut på Folk i vinden!

Send tips
Har du en god Medvind-sak?

Har du gode tips fra næringslivet i Vindafjord? Stikk innom, eller kontakt oss!

Send tips
Kalender

Har du forslag til ny kalenderoppføring?

Send tips