Hopp til innhald

Pop-up shop med julestemning

Torsdag 18., fredag 19. og laurdag 20. november sikrer ei elevbedrift ved Lundaneset vgs julestemninga på Ølen senter.

Image
På Ølen senter kan ein få profesjonelle bilete til julekorta av mediefagelevar frå Lundeneset vgs denne helga. Frå venstre: Skjalg Jakob Jarlesson Gjerde, Mathea Naustvik, Anna Monstad, Kees Fjellvang og Julie Pettersen. Foto: Inga Klokkerstuen Wangensteen. 


– Me tilbyr profesjonell julefotografering, vaflar, kakao og sjølvlaga til- og frå-lappar som folk kan komme innom og kjøpe, fortel Anna Monstad som går VG2 på mediefag.

Pop-up shopen er drive av elevbedrifta Alfa Omedia. Denne har fjorten elevar starta som del av programfaga deira på VG2, og målet er å flytte undervisninga ut av klasserommet.

– Poenget med elevbedrifta er å gi dei praktisk erfaring i faga. Her lærer dei ikkje berre teorien, men må også tenkje at det dei tilbyr skal vere relevant for marknaden, dei får kundekontakt og kjenner på ein større eigarskap til prosjektet, fortel lærar Kees Fjellvang.

Julebutikken gir allereie meirsmak og dei utelukkar ikkje at ein vil sjå dei på nytt ved eit seinare høve.

– Viss det blir suksess, er det godt mogleg me kjem tilbake med andre produkt på eit seinare tidspunkt. Me har vore i dialog med Skudenes bryggeri om brus med sjølvproduserte etikettar, så dette er noko av det me vurderer, fortel Fjellvang.

Image
Syskna Eline, Fredrik og Maja Apeland Haugen fekk sikra seg bilete med julestemning fredag ettermiddag.

Ledige stillingar

Christiansen Bakeri er på jakt etter daglig leder
Frist: 04. des

Folk i vinden

Tips oss

Folk i vinden

Har de ein ny kollega på laget? Send oss ein e-post så legg me det ut på Folk i vinden!

Send tips

Har du ei god Medvind-sak?

Har du gode tips fra næringslivet i Vindafjord? Stikk innom, eller kontakt oss.

Send tips